Charter Document - 04900665
| Charter Number: | 04900665 |
|---|---|
| Cartulary Title: | Recueil de chartes et documents de Saint-Martin-des-Champs [Paris] |
| Charter Language: | Latin |
| Charter Origin: | Religious |
| Charter Type(s): | Judgement |
| Date: | 1208 |
| Date type: | Internal, A.D., Calendar |
| Resource Link(s): |
|
Charter:
Gaufridus Dei gratia episcopus Petrus abbas Sancti Vincentii et Symon succentor Silvanectensis omnibus p l i in Domino salutem Notum facimus quod cum Prior et monachi Sancti Martini de Campis Parisiensis coram nobis judicibus a Domino Papa delegatis restitutionem unius sextarii bladi quod in granchia Vallis Laurentii longo tempore annuatim habuerant contra abbatem et monachos Karoliloci in forma judicii postulassent partibus in presentia nostra constitutis super dicta controversia servato juris ordine testes recepimus et super hiis que ad eandem causam pertinebant diligenter examinavimus Depositionibus testium canonice publicatis secuta etiam disputatione de consensu ipsarum partium diem ad proferendam sententiam assignavimus ad quam cum partes coram nobis comparuissent procurator ecclesie Karoliloci in vocem appellationis prorupit et a nobis contumaciter recessit Quia vero in commissione Apostolica ad nos destinata sublatum erat appellationis remedium hujusmodi appellationem frivolam et inanem esse reputantes visis et auditis utriusque partis rationibus attestationibus etiam diligenter inspectis communicato jurisperitorum consilio ecclesiam Sti Martini ad d sextarium bladi restituendam esse diffiniendo pronuntiavimus questione proprietatis ecclesie Karoliloci servata In cujus rei firmitatem presentem cartam sigillorum nostrorum impressione fecimus communiri Actum Silvanectis anno gratie MCC octavo xiiii kal maii