Charter Document - 04900637
| Charter Number: | 04900637 |
|---|---|
| Cartulary Title: | Recueil de chartes et documents de Saint-Martin-des-Champs [Paris] |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1206 |
| Date type: | Internal, Papal |
| Resource Link(s): |
|
Charter:
Innocentius episcopus servus servorum Dei dilectis filiis Sancti Germani et Sancte Genovephe abbatibus et magistro P[etro] de Hospitali canonico Sancti Marcelli Parisiensis salutem et apostolicam benedictionem Cum causa que inter dilectos filios Sancte Trinitatis de Yenvilla ex parte una et Priorem Sancti Martini de Campis ex altera super constructione ejusdem ecclesie noscitur agitari cum partes nostro se conspectui presentassent bone memorie G[regorium] Sancte Marie in Porticu diaconum cardinalem eis concessimus auditorem qui cum attestationes quas nobis sub sigillis vestris misistis aperire curasset pars Sancti Martini illicenciata recessit vobis dedimus in preceptis ut negocium ipsum terminare curaretis Datum Rome apud Sanctum Petrum ii idus aprilis pontificatus nostri anno viiii