Charter Document - 04900631
| Charter Number: | 04900631 |
|---|---|
| Cartulary Title: | Recueil de chartes et documents de Saint-Martin-des-Champs [Paris] |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1205 - 1206 |
| Date type: | Internal, A.D. |
| Resource Link(s): |
Cartulaires d'Île-de-France |
Charter:
Ego Gaufridus Dei gracia Silvanectensis episcopus Noverint qui presentes litteras viderint quod cum Froedus clericus Gaufridum priorem et monachos Sti Nicholai autoritate literarum Domini Pape traxisset in causam super quadam vicaria ad quam ad deserviendum prebendam quam in ecclesia Beate Marie Silvanectensis habent per Ligerum predicte domus priorem dicebat se fuisse institutum et a capitulo Beate Marie receptum tandem inter eos hujusmodi compositio coram nobis facta est quod predictus Froedus illi vicarie abrenunciavit et quod de cetero domum Sti Nicholai super ea nec traheret in causam nec vexaret concessit Literas etiam Domini Pape per quas eos in causam trahebat reddidit Prior vero et conventus Sti Martini de Campis de quarum jurisdictione est ecclesia Sti Nicholai assensu Prioris et monachorum ejusdem domus concesserunt predicto Froedo quod una de tribus ecclesiis scilicet de Noa Sancti Martini de Noa Sancti Remigii de Derenciaco quam primo vacare continget post illam que Roberto clerico concessa est liberaliter conferent et interim Prior et fratres Sti Nicholai dabunt et singulis annis in granchia sua de Barberi duos modios bladi laudabiles ad mensuram Silvanectensem donec predictam ecclesiam fuerit assecutus Quod ut ratum habeatur ad preces utriusque partis hoc scriptum inde fieri et sigillo nostro fecimus confirmari Actum anno ab Incarnatione Domini millesimo ducentesimo quinto