Charter Document - 04900628
| Charter Number: | 04900628 |
|---|---|
| Cartulary Title: | Recueil de chartes et documents de Saint-Martin-des-Champs [Paris] |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1204 - 1205 |
| Date type: | Internal, A.D. |
| Resource Link(s): |
Cartulaires d'Île-de-France |
Charter:
S[imon] Dei gratia episcopus Noviomensis omnibus in perpetuum Notum sit omnibus t f q p quod domnus Petrus miles de Capi monachis ibidem Deo servientibus xii jugera terre pro anima sua et Eve uxoris sue et omnium parentum suorum sicut e recognitione domni Roberti tunc temporis prioris de Capi et predicte Eve accepimus in puram elemosinam perpetuo contulit possidenda Preterea uxor prefati P[etri] tempore viduitatis sue xxxii jugeribus terre sepedicti mariti sui P[etri] donationem prelibatis monachis de Capi solo intuitu Dei collatam augmentavit Prior siquidem de Capi assensu Prioris et totius conventus Sancti Martini de Campis pretaxatis videlicet P[etro] et E[va] uxore ejus in participio omnium bonorum que in eadem ecclesia fient receptis instinctu Dei et karitatis intuitu singulis diebus missam defunctorum pro ipsis et parentibus et amicis suis nominatim celebrari constituit et eorum anniversarium quotannis sollempniter fieri in perpetuum Sciendum itaque quod Prior ejusdem loci in die anniversarii ipsorum xiii pauperes tanquam monachos procurare tenetur et insuper lx pauperibus panem erogare et provisori hujus rei in excitamentum devotionis ne de missarum celebratione fiat intermissio pellitium novum singulis annis donare Si vero sepe dictus Prior de Capi in his exequendis neggligens repertus fuerit pene xl solidorum conventui Beati Martini de Campis solvendorum subjacebit Ut autem hoc ratum inconvulsumque permaneat sigilli nostri munimine duximus roborandum Actum anno Verbi incarnati MCCIIII