Charter Document - 04900627
| Charter Number: | 04900627 |
|---|---|
| Cartulary Title: | Recueil de chartes et documents de Saint-Martin-des-Champs [Paris] |
| Charter Language: | Latin |
| Charter Origin: | Religious |
| Charter Type(s): | Dispute |
| Date: | 1204 - 1205 |
| Date type: | Internal, A.D. |
| Resource Link(s): |
|
Charter:
Guido Sancti Petri abbas et Hugo decanus et Petrus cancellarius Carnotensis universis p l i salutem in salutis Auctore Universitati vestre notum facimus quod causa que vertebatur inter ecclesiam Beati Martini de Campis ex una parte et ecclesiam Beate Marie de Chagia ex altera super quadam decima quam canonici Chagie petebant ab ecclesia Beati Martini que decima est infra fines parrochie de Luperiis nobis esset per litteras dominni pape Innocentii tercii commissa ipsam causam diligenter examinavimus Tandem receptis attestationibus et publicatis cum jam ad sententiam esset veniendum ita convenit inter partes ut Albertus canonicus et procurator ecclesie de Chagia qui exhibuit litteras de rato et per quas transigendi potestatem habebat sicut apparuit in litteris illis coram nobis lectis nomine predicte ecclesie de Chagia renuntiavit in perpetuum illi querele et promisit quod faceret litteras patentes sub sigillis abbatis et capituli sui pred compositionem continentes dari ecclesie Beati Martini de Campis in quibus exprimatur quod abbas et capitulum Sancte Marie de Chagia ita ratum habent et ita observabunt et pro hac compositione Prior Sancti Martini dedit eis decem libras pruvinienses Ut autemm predicta firmius observentur et nulla in posterum dubietas vel controversia oriatur has presentes litteras nostras de consensu partium fecimus conscribi et sigillis nostri roborari Actum [apud Carnotum] anno gratie MCI mense februario