Charter Document - 04900624
| Charter Number: | 04900624 |
|---|---|
| Cartulary Title: | Recueil de chartes et documents de Saint-Martin-des-Champs [Paris] |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1205 |
| Date type: | Internal, A.D. |
| Resource Link(s): |
Cartulaires d'Île-de-France |
Charter:
Petrus Dei gratia Senonensis archiepiscopus omnibus p l i salutem in Domino Universitati vestre notum facimus quod cum inter Priorem de Chonis ex una parte et Henricum presbiterum ejusdem ville ex alia super decimis novalium que in nemore Sancti Mauricii et bruciis Sancti Salvatoris et pleseis de Moncellis a tempore Lateranensis concilii accreverunt et in posterum accrescent questio diucius verteretur tandem inter ipsos in nostra presentia compositum est hoc modo quod dictus Prior de Chanis et ejus successores percipient medietatem dictarum decimarum pacifice et quiete imperpetuum et prefatus presbiter et ejus successores aliam medietatem dictarum decimarum pacifice et quiete percipient Nos vero ad preces dilecti filii Willelmi prioris et monachorum Sancti Martini de Campis Paris ad quorum ecclesiam prioratus de Chonis spectare dinoscitur dictam compositionnem laudavimus et approbavimus Et ne super premissis aliqua inter successores eorum valeat oriri discordia presentem cartam huic veritati testimonium perhibentem sigilli nostri autoritate fecimus communiri Actum anno gracie MCCIIII mense marcio