Charter Document - 04900615
| Charter Number: | 04900615 |
|---|---|
| Cartulary Title: | Recueil de chartes et documents de Saint-Martin-des-Champs [Paris] |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1204 - 1205 |
| Date type: | Internal, A.D. |
| Resource Link(s): |
|
Charter:
Reginaldus Dei gratia Carnotensis episcopus omnibus p l i perpetuam in Domino salutem Notum facimus universis quod cum Girardus Boel decimam tocius guanagii sui in terra de Francorvilla ecclesie Sti Martini de Campis in elemosinam perpetuo contulisset et eadem terra jure successionis ad L[egardim] filiam predicti G[irardi] et sponsum ipsius Goer[ium] devenisset Priore et Conventui Sti Martini conquerentibus quod eadem decima per incuriam famulorum sibi non bene redderetur ipsam habito consilio predictis G et L uxori ejus et successoribus eorum in perpetuam admodiationem concesserunt ita quod exinde reddantur singulis annis ecclesie Sti Martini xiiii sextaria hiemagii competentis sicut in eadem terra crescere noscetur et decem avene sive minus sive majus ex eadem terra percipiatur et hoc ad mensuram Carnoli et secundum ritum modiationum que in partibus illis traduntur Et hujus donationis gratia concesserunt Prior et conventus jam dicti loci quod annuatim in ecclesia sua anniversarium prefati G et L uxoris ejus sollempniter celebrabunt Anno ab Incarnatione Domini millesimo ducentesimo IIII