Charter Document - 04900607
| Charter Number: | 04900607 |
|---|---|
| Cartulary Title: | Recueil de chartes et documents de Saint-Martin-des-Champs [Paris] |
| Charter Language: | Latin |
| Charter Origin: | Religious |
| Charter Type(s): | Decree |
| Date: | 1203 - 1204 |
| Date type: | Internal, A.D. |
| Resource Link(s): |
Cartulaires d'Île-de-France |
Charter:
Absalon Sancti Victoris abbas et R[obertus] de Villareio cantor et H[emericus] archidiaconus Parisiensis omnibus p l i salutem in Domino Omnibus notum fieri volumus quod cum coram nobis ex commissione Domini Pape Innocentii contentio verteretur inter Priorem de Canis ex una parte et fratres Domus Dei de Flagi ex altera super minutis decimis ejusdem Domus quas predictus Prior jure parrochiali petebat et predicti fratres nec instrumenta nec aliam racionem pretenderent quod a solvendis decimis deberent esse immunes nos de consilio virorum prudentium adjudicavimus minutas decimas ejusdem domus predicto Priori esse solvendas et sententiam super hoc a nobis presenti pagina confirmatam ratam esse decrevimus et sigillis nostris roboravimus Actum anno Verbi Incarnati MCCIII