Charter Document - 04900604
| Charter Number: | 04900604 |
|---|---|
| Cartulary Title: | Recueil de chartes et documents de Saint-Martin-des-Champs [Paris] |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1202 - 1203 |
| Date type: | Internal, A.D. |
| Resource Link(s): |
Cartulaires d'Île-de-France |
Charter:
Odo Dei gratia Parisiensis episcopus omnibus ad quos presens scriptum pervenerit salutem in Domino Ad universorum noticiam pervenire volumus quod cum venerabiles et religiosi fratres W[illelmus] prior et conventus Sti Martini de Campis tale ut propriis oculis inspeximus privilegium haberent indultum ab illustri Domino Ludovico quondam rege Francorum quod nulli liceret facere furnum in Campellis prope furnum quem ibi habere dinoscuntur Adam de Monsteriolo ecclesie Parisiensis canonicus postmodum ab eis postulavit ut ibi prope in Campellis sibi furnos facere concederent cum sua et predicti monasterii utilitate Qui pensata utilitate concesserunt ut ibi duos furnos faceret in Calceia Sti Maglorii vel ibi prope in terra sua vel in alia illi contigua ita quod quartam partem in emolumentis illorum furnorum haberent fratres jam dicti concessam sibi in elemosinam pro remedio anime ejusdem A[de] et parentum suorum tam libere quod in furnis seu domibus eorum faciendis vel reparandis nichil unquam de suo sepe nominati fratres ponere tenebuntur Prefatus A[dam] furnarios in eis ponet qui de quarta parte fidelitatem fratribus et sufficientem facient securitatem Spoponderunt quoque ipsi fratres quod si forte aliqui in pred terra furnum facere vellent vel impedire ne predicti fierent vel si jam factos destruere molirentur eis resisterent cum auctoritate privilegii sui donec quid privilegium sibi ipsia et Ade conferre posset foret compositione vel judicio terminatum Sciendum quoque quod si aliqua occasione contingeret destrui furnum qui juxta muros debet fieri in altero qui remaneret terciam partem haberent illi ita libere sicut prius determinatum est de ambobus Quod ut ratum et firmum in posterum habeatur pres paginam sigilli nostri fecimus impressione muniri Actum anno Domini MCCII