Charter Document - 04900600

Hugo Dei pacientia humilis abbas Ste Marie de Cagia et totus ejusdem ecclesie conventus universis p l i salutem in Salutis Auctore Universitati vestre notum facimus quod cum causa que vertebatur inter nos et ecclesiam Bti Martini de Campis pro quadam decima que est infra fines parrochie de Luperiis quam petebamus ab eis G[uidone] Sti Petri abbati H[ugone] decano et P[etro] cancellario Carnotensi per litteras domini Innocentii tercii Pape commissa fuisset et eam diligenter examinassent tandem receptis attestationibus et publicatis cum jam ad sententiam esset voniendum ita convenit inter dominum Guillermum priorem Sti Martini de Campis et Aubertum canonicum et procuratorem nostrum qui habebat litteras nostras de rato per quas eciam transigendi potestas a nobis erat ei concessa sicut apparuit ex eis coram jam dictis judicibus lectis idem Aubertus nomine nostre ecclesie renuntiavit in perpetuum illi querele et promisit quod de cetero ecclesia nostra nunquam movebit inde questionem contra ecclesiam Beati Martini de Campis et fecit idem finem et refutationem et promisit quod faciet litteras patentes sub sigillis nostris predictam compositionem continentes dari predicte ecclesie Beati Martini in quibus exprimatur quod nos ita ratum habemus et ita observabimus in perpetuum per nos et nostros successores Et pro hac compositione recepimus decem libras Pruviniensium a prenominato Priore Sancti Martini Nos itaque predicta omnia rata et firma habuimus et habemus et ut hoc firmius observetur ne ulla in posterum dubietas vel controversia oriatur has presentes litteras inde describi fecimus et sigillis nostris roboravimus quas dedimus propter hoc ecclesie Beati Martini Actum anno Incarnationis MCCII mense marcio