Charter Document - 04900598

Ego Ansellus Dei gratia Meldensis episcopus universis ad quos presentes littere pervenerint in Domino salutem Noverit universitas vestra quod cum capella que est juxta Creceium spectaret ad donationem prioris Sti Martini de Creceio ita quod capellanus ibi deserviens in precipuis solemnitatibus nonnisi iv den de oblatione haberet Prior Prior Sti Martini de Campis ad cujus dignitatem pertinet pr prioratus nobis benigne concessit ut ibi canonicos intitueremus Nos itaque cultum Domini augere volentes hoc modo providimus quod Prior Sti Martini de Creceio quoniam capella sue donationis erat ibi prebendam habeat integram et perpetuam quam sua septimana deserviat tantummodo missam celebrando per se vel per alium deprecando qui etiam quotienscunque presbiter parrochialis de medio cesserit vel alio modo mutatus fuerit alium idoneum eliget quem ad curam presentandam nobis presentabit qua suscepta fidelitatem jurabit Priori et canonicis et nobis obedientiam qui preter prebendam suam xl sol pro procuranda parochia statutis terminis decommuni recipiet et nichil amplius poterit exigere nisi quod pro visitatione infirmorum facta extra ecclesiam ei vel cuilibet vicario canonicorum misericorditer tribuetur Nos autem omnes alias prebendas sicut vacaverint donabimus ita tamen quod prebenda que nunc est Isembardi presbitero de cetero conferatur Omnia annualia erunt Priori Sti Martini de Creceio Si quis canonicorum post festum Sti Johannis Baptiste decesserit fructus prebende sue integre percipiet Sed quoniam ibi sunt pauci monachi officia eorum annualium apud Stum Martinum de Campis qui caput est loci illius agentur in conventu Legata communia erunt Nullus canonicus celebrabit missam ad majus altare Sti Martini nisi de licencia Prioris [] Si ad diem festum Capelle videlicet in Assumptione Beate Marie convenerint canonici de Creceio procurentur de communi sicut ad hec tempora oblinuit consuetudo Si autem canonici de capella epulari voluerint non erit procuratio de communi et vocabit ad mensam suam quos voluerit Si canonici de castello de Creceio corpora sepelienda apud Stum Martinun detulerint medietas oblationis erit ipsorum et altera propria erit Prioris Nullus percipiet fructus prebende sue de capella nec in toto nec in parte nisi sit residens in ecclesia ut ibi Deo deserviat vel nisi in ea vicarium pro se habeat preter archidiaconum Briensem qui perpetuus est ibi canonicus et ubicumque sit fructus prebende sue integre percipiet qui nullam in ecclesia sive in canonicis aut vicariis dictionem aut potestatem aut in eorum famulis habebit Nos autem procurationem nostram sinodum et circadam et omnem exactionem in perpetuum eis dimisimus ita tamen quod in festo Sti Andree pro recognitione nostri juris a canonicis bizantium unum habebimus Nos autem juridictionis potestatem in capella [pre]dicta et in canonicis et in eorum familiis nobis retinuimus Ad hec presentatio ecclesie de Buleria ad canonicorum donationem pertinet Actum est hoc anno Incarnati Verbi MCCII mense decembris