Charter Document - 04900596
| Charter Number: | 04900596 |
|---|---|
| Cartulary Title: | Recueil de chartes et documents de Saint-Martin-des-Champs [Paris] |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1202 - 1203 |
| Date type: | Internal, A.D. |
| Resource Link(s): |
Cartulaires d'Île-de-France |
Charter:
Ego Renardus dominus de Domnopetro notum facio quod fratres Monasterii in Argona acquisierunt sibi assensu et consilio meo totam terram Sancti Martini de Campis cum omnibus pertinenciis sub annuo censu tali conditione quod ego dimidiam partem hujus acquisitionis in vita mea tenebo et dimidiam partem census qui pro illa datur persolvam nec partem meam recipiam donec de communi census persolvatur Post mortem vero meam acquisitio ista tota et integra ecclesie Monasterii remanebit ut nec heredes nec successores mei super hoc poterunt reclamare Si quid vero in acquisitione ista creditoribus meis assignavi assignatio ista tenebitur donec summa assignata persolvatur Quod ut ratum permaneat sigilli mei munimine roboravi Actum anno ab Incarnatione Domini millesimo ducentesimo secundo