Charter Document - 04900583
| Charter Number: | 04900583 |
|---|---|
| Cartulary Title: | Recueil de chartes et documents de Saint-Martin-des-Champs [Paris] |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1201 - 1202 |
| Date type: | Internal, A.D. |
| Resource Link(s): |
|
Charter:
Odo Dei gratia Parisiensis episcopus omnibus ad quos littere presentes pervenerint salutem in Domino Noverint universi quod cum causa super medietate forestarie de Noisiaco Magno coram nobis auctoritate Apostolica verteretur inter Odonem filium defuncti Johannis de Noisiaco et uxorem ejus Liois ex una parte et Guillermum priorem et monachos Sti Martini Parisiensis ex alia idem Odo publice coram nobis in jure cum uxore sua confessus est se nichil juris habere aut nunquam habuisse in predicta forasteria et causa renuntiavit ex toto Quod ut ratum in posterum habeatur sigilli nostri munimine fecimus roborari Actum Parisius [publice in aula nostra inferiori presentibus Symone predicti prioris capellano et Giroldo monachis magistro Arnaudo socio nostro magistro Philippo de Greva canonicis Parisiensibus magistro Willelmo Senonensi canonico et Gervasio fratre ipsius magistro Gaufrido de Sancto Clodoaldo Odone Villano milite et multis aliis] anno Incarnati Verbi MCCI