Charter Document - 04900580
| Charter Number: | 04900580 |
|---|---|
| Cartulary Title: | Recueil de chartes et documents de Saint-Martin-des-Champs [Paris] |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1201 |
| Date type: | Assigned |
| Resource Link(s): |
Cartulaires d'Île-de-France |
Charter:
Reginaldus Dei gratia Carnotensis episcopus omnibus ad quos littere iste pervenerint in Domino salutem Ad universorum noticiam volumus pervenire quod cum dilectus filius Willelmus de Valle Sevini miles in granchia de Goolons que ad dilectos nostros priorem et conventum Sti Martini de Campis Parisiensis pertinet unum modium annone de decimis ejusdem granchie annualis redditus percipiet et haberet ipse Willelmus prefatum modium annone assensu et voluntate Aupes sororis sue Milonis et Ermengardis ejusdem Aupes filiorum Joscelini de Pessi militis consanguinei sui Odeline et Richeldis de Pesi consanguinearum suarum prefatis priori et conventui Sancti Martini de Campis pro triginta libris Carnotensis monete vendidit et perpetuo concessit Postmodum vero prefatus Willelmus de Valle Sevini in presencia nostra constitutus possessionem pred modii annone [] in manu nostra resignavit et nos dil filium Fulconem tunc temporis priorem de Roenvilla nomine ecclesie Beati Martini de Campis de prefato modio annone curavimus investire [] Factum istud ut perpetuo firmum et stabile maneat pres scripto et sigilli nostri auctoritate in testimonium roboravimus Actum Carnoti solemniter in camera nostra sub testimonio ipsorum quorum nomina subscribuntur videlicet Raginaldi prepositi de Masengeio consanguinei nostri Roberti de Beron socii nostri et canonici Carnotensis Guarnerii capellani nostri Willelmi camerarii nostri Nicolai de Fresgot socii nostri et aliorum multorum Anno gratie millesimo ducentesimo tercio nonas martii