Charter Document - 04900576
| Charter Number: | 04900576 |
|---|---|
| Cartulary Title: | Recueil de chartes et documents de Saint-Martin-des-Champs [Paris] |
| Charter Language: | Latin |
| Charter Origin: | Religious |
| Charter Type(s): | Renunciation |
| Date: | 1200 - 1201 |
| Date type: | Internal, A.D. |
| Resource Link(s): |
|
Charter:
Ego frater Robertus prior Sancti Martini de Campis et totus ejusdem loci fratrum conventus notum facimus p et f quod cum parrochia de Noisiaco Sicco in qua parrochia Fossatense monasterium jus decimationis possidere dinoscitur hactenus juxta usum prave et perverse consuetudinis ab co mediam partem decimarum receperimus qui sementium a parrochia de Bondiis in qua nos et qui nobiscum participant jus decimationis habemus in nominatam ecclesiam transportasset et versa vice Fossatense monasterium in parrochia de Bondiis pro media parte sub simili conditione decimam percipiet habito cum bonis consilio attendentes quod mala consuetudo non minus quam perniciosa corruptela est abjicienda consuetudini iste plane contra juris ordinem venienti cedendum duximus statuentes ut de cetero in parrochia de Noisiaco Sicco in qua jus decimationis nullum habemus decimam dicta de causa non percipiamus Similiter et Fossatense monasterium ob eandem causam in parrochia de Bondeus decimam non percipiat Quod ut ratum et stabile habeatur presentem paginam sigillo capituli nostri munitam monasterio Sancti Petri Fossatensis tradidimus Actum anno Incarnati Verbi millesimo ducentesimo