Charter Document - 04900566
| Charter Number: | 04900566 |
|---|---|
| Cartulary Title: | Recueil de chartes et documents de Saint-Martin-des-Champs [Paris] |
| Charter Language: | Latin |
| Charter Origin: | Lay |
| Charter Type(s): | Concession |
| Date: | 1200 |
| Date type: | Internal, A.D. |
| Resource Link(s): |
|
Charter:
Ego Matheus comes Bellimontis omnibus p l i notum facio quod cum prior et monachi Sti Leonorii de Bellomonte molendinum habuissent apud Percenc et pater meus Matheus bone memorie comes summarium unum eis concessisset ad opus dicti molendini quod vulgariter appellatur molendinum Merenjoye item quod banerios aliorum molendinorum nullatenus reciperent dicti monachi prefatum Merenjoye spontanea voluntate mihi jure hereditario concesserunt possidendum Ego siquidem dictus comes divine pietatis intuitu et in recompensationem tanti doni concedo et dono dictis monachis duos modios et novem mynas bladi singulis annis in ipso molendino percipiendos unum modium in festo Sti Johannis Baptiste alterum modium et novem mynas in Natali Domini Concedo eciam eis molturam suam integram liberam et immunem ab omni farinagio et omni servicio et summarios molendinorum meorum ad ducendum bladum ad ipsum molendinum et reducendum farinam libere et quiete Quod ut ratum stabilitatis robur oblineat presenti cartam sigilli mei munimine roboravi Actum anno gracie MCC mense septembri