Charter Document - 04900559
| Charter Number: | 04900559 |
|---|---|
| Cartulary Title: | Recueil de chartes et documents de Saint-Martin-des-Champs [Paris] |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1199 |
| Date type: | Internal, Calendar, Papal |
| Resource Link(s): |
Cartulaires d'Île-de-France |
Charter:
Innocentius episcopus servus servorum Dei dilectis filiis Priori et conventui Sancti Martini de Campis Parisiensis salutem et apostolicam benedictionem Suscepte administrationis officium Nos invitat ut ecclesias Nobis commissas diligere propensius teneamus et earuna indempnitati paterna sollicitudine providere Sane sicut oblata nobis ex parte vestra peticio continebat vos interventu plurimorum inducti quorum precibus resistere nullatenus potuistis ecclesias non vacantes et pensiones contra Lateranense concilium quibusdam personis sub vestri scripto autentici promisistis unde non modicum ecclesia vestra detrimentum sustinet et jacturam Cum igitur ea que in prejudicium Lateranensis concilii attemptata noscuntur ejusdem debeant auctoritate quassari devotioni vestre tenore presencium indulgemus ne personis quibuslibet teneamini deinceps in promissis cum ea presentium auctoritate irritari duximus penitus et cassari Nulli ergo omnino hominum se noverit incursurum Datum Lateranis XV kal marcii pontificatus nostri anno primo