Charter Document - 04900558
| Charter Number: | 04900558 |
|---|---|
| Cartulary Title: | Recueil de chartes et documents de Saint-Martin-des-Champs [Paris] |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1198 |
| Date type: | Internal, Calendar, Papal |
| Resource Link(s): |
|
Charter:
Innocentius episcopus servus servorum Dei dilectis filiis Priori et conventui Sancti Martini de Campis salutem et apostolicam benedictionem Justis petentium desideriis facilem nos convenit prebere consensum et vota que a rationis tramite non discordant effectu prosequente complere Ea propter dilecti in Domino filii vestris justis postulationibus grato concurrentes assensu quod habetis in ecclesia Sancti Gervasii de Encra et Beate Marie de Berberiis ex dono Hugonis Candavene qui jus patronatus quod in eadem habebat ecclesia resignavit in manu bone memorie Guarini et Theoderici quondam episcoporum Ambianensium prout in eorum autenticis manifeste continetur expressum sicut illud juste et canonice possidetis et nobilis vir comes Sancti Pauli tam per sue fidei sacramentum quam per suas id vobis litteras confirmavit in hunc modum videlicet quod tota ipsius ecclesie ordinatio de substitutione monachorum facienda ibidem in vestra consistere debeat voluntate devotioni vestre authoritate Apostolica confirmamus et presentis scripti patrocinio communimus Nulli ergo omnino hominum liceat hanc nostre paginam confirmationis infringere vel ei ausu temerario contraire Si quis autem hoc attentare presumpserit indignationem omnipotentis Dei et beatorum Petri et Pauli apostolorum ejus se noverit incursurum Datum Laterani vi kalendas decembris pontificatus nostri anno primo