Charter Document - 04900556
| Charter Number: | 04900556 |
|---|---|
| Cartulary Title: | Recueil de chartes et documents de Saint-Martin-des-Champs [Paris] |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1197 - 1198 |
| Date type: | Internal, A.D. |
| Resource Link(s): |
Cartulaires d'Île-de-France |
Charter:
Elienor comitissa Sancti Quintini et domina Valesie omnibus in perpetuum Universitati vestre notum facimus quod cum controversia diu verteretur inter monachos Sti Martini de Campis et Bartholomeum de Lergni et fratres ejus Wibaudum et Henricum super decima de Lergni et censibus quos ipsi monachi tenent in eadem villa sic tandem in presentia nostra terminata est ita quidem quod predictus B et fratres ejus W et H predictis monachis quitaverunt quicquid in prefata decima et censibus de Lergni reclamabant Et ut pax ista firmius in posterum teneatur prefatus B et fratres ejus fidei data cautione plegios constituerunt Hugonem militem de Walu et Galterum militem de Pisseleu et Odonem de Pisseleu et ad ultimum Johannem de Noe ita quod ipse Johannes decem libras solvet ipsis monachis si tociens nominatus B et fratres ejus W et H ab hac pace tenenda vellent resilire Ad majorem igitur pacis tenende confirmationem predictam decimam et census auctoritate nostra ipsis monachis confirmamus et presens scriptum sigilli nostri munimine communimus Actum anno Incarnationis Dominice MC nonagesimo VII