Charter Document - 04900548
| Charter Number: | 04900548 |
|---|---|
| Cartulary Title: | Recueil de chartes et documents de Saint-Martin-des-Champs [Paris] |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1194 - 1195 |
| Date type: | Internal, A.D., Episcopal |
| Resource Link(s): |
|
Charter:
Ego Mauricius Dei gratia Parisiensis episcopus notum facio p et f quod cum Milo filius Milonis de Curteri in presentia nostra recognovisset quod pater ipsius totam decimam suam quam habebat apud Braiam invadiaverat monachis Sancti Martini de Campis pro quatuor xx libris idem Milo predictam decimam coram nobis ipsis monachis invadiavit accipiens insuper ab ipsis xl libras et ita tota decima pro centum xxti libris scilicet Parisiensis monete eisdem monachis obligata est Hujus pignoris tenorem se firmiter observaturos et garantiam laturos in manu nostra affidaverunt idem Milo et Milo nepos ejus de cujus feodo ipsa decima erat et Willelmus nepos ipsius Hoc idem affidavit Jaquelina uxor sepedicti Milonis data fide in manu decani de Moysse ad hoc missi apud capellam de Ailli Actum Parisius anno Verbi incarnati MCXCIIII pontificatus nostri xxxiiii his testibus magistro Philippo de Greva canonico Herveo archipresbitero Arnulfo decano de Moysse Ricardo presbitero d'Aubiniaco Matheo de Moysiniaco et Martino fratre ejus Theobaldo viario Stephano presbitero de Limogiis Benedicto Drota