Charter Document - 04900545
| Charter Number: | 04900545 |
|---|---|
| Cartulary Title: | Recueil de chartes et documents de Saint-Martin-des-Champs [Paris] |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1186 - 1193 |
| Date type: | Assigned |
| Resource Link(s): |
|
Charter:
Ego Mauritius Dei gratia Parisiensis episcopus notum fecimus omnib p et f quod Gaufredus miles de Ceverento laudantibus volentibus et concedentibus filiis et filiabus suis vendidit ecclesie Beati Martini de Campis pro quadringentis et xx libris Parisiensis monete id quod ei prius invadiaverat et in feodum ab ipsa ecclesia tenebat vid decimam et campipartem censum nemora de Paluel et de Gratuel et quicquid ipse habebat in memorata villa de Ceverento in furno seu quibuscumque aliis redditibus dominio justicia et forefactis excepta sua masura Si vero pred Gaufredus vel aliquis de liberis suis quos tunc habebat quando hec vendidit jamd feodum a suprad eeclesia Beati Martini deinceps emere voluerit dato precio quod inde acceperunt ad opus specialiter sui non aliorum cooperare licebit At si idem Gaufredus quamdiu vixerit vel post ejus mortem quatuor filii sui et tres filie sue superfuerint non unus sine alio sed omnes simul adhuc xx libras Parisiensium a monachis acceperint omni reclamatione sublata ipsum feodum prenominati monachi libere et quiete imperpetuum possidebunt nec ipsi Gaufredo nec alicui de liberis suis in aliquo super hoc in posterum respondere tenebuntur Hec autem omnia se firmiter observaturos esse in presentia nostra ipse Gaufredus et liberi ejus fiduciaverunt Hujus rei testes Girardus archidiaconus Rogerius clericus ejus Bosardus canonicus Daniel capellanus magister Philippus Theobaldus de Viri Nicholaus clericus episcopi Rogerius archipresbiter Ex parta monachorum Robertus prior Johannes sacrista Petrus de Creceio Joscelinus camerarius Helias capellanus Robertus major Grimoldus famulus Galterius nepos Prioris Ex parte autem Gaufredi Ascelinus de Malorespectu Radulfus Marcellus miles