Charter Document - 04900540
| Charter Number: | 04900540 |
|---|---|
| Cartulary Title: | Recueil de chartes et documents de Saint-Martin-des-Champs [Paris] |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1195 - 1196 |
| Date type: | Internal, A.D. |
| Resource Link(s): |
Cartulaires d'Île-de-France |
Charter:
Ego frater R[obertus] prior ecclesie Sancti Martini de Campis totusque ejusdem loci conventus universis tam presentibus quam futuris notum fieri volumus quod fratres nostri Prior et monachi ecclesie Sancti Nicholai de Achiaco que tanquam specialis filia ad nos spectare dinoscitur ab abbate et fratribus Sancti Vincentii Silvanectensis quicquid ipsi in decima de Braio tam in dominio quam in possessione de dono et elemosina Willelmi militis de Gonissa habebant sub annua pensione possidendum in perpetuum nobis laudantibus et annuentibus receperunt ita videlicet quod septem modios bladii ad minus medietarii et tres modios avene ad mensuram capituli Beate Marie Silvanectensis annis singulis usque ad festum Omnium Sanctorum idem fratres nostri in granchia sua apud Braium de eadem decima memoratis fratribus Sancti Vincentii reddere tenebuntur ipsi vero quantum ad sextam partem eorum pertinet et jus et ratio dictaverit eidem ecclesie garandiam omnimodis portabunt Ut autem hec firma et inconcussa permaneant presentem cartam in testimonium et munimentum hujus rei fieri fecimus sigillo ecclesie capituli nostri firmatam Actum anno dominice Incarnationis MCLXXXXV