Charter Document - 04900537
| Charter Number: | 04900537 |
|---|---|
| Cartulary Title: | Recueil de chartes et documents de Saint-Martin-des-Champs [Paris] |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1195 |
| Date type: | Internal, A.D., Calendar |
| Resource Link(s): |
|
Charter:
In nomine Patris et Filii et Spiritus sancti amen Notum sit omnibus ad quos presentes littere pervenerint quod ego Elienor comitissa Sancti Quintini et domina Valesie pro remedio anime mee et antecessorum meorum dedi et concessi in perpetuam elemosinam ecclesie Sancti Leonorii de Bellomonte unum modium segetis ad modium Crispiaci annuatim in molendino Crispiaci inter festum Sancti Remigii et Natale Domini recipiendum sub tali conditione quod Fratres in predicta ecclesia Deo famulantes quamdiu vixero anniversarium matris mee singulis annis facient et post decessum meum anniversarium meum celebrabunt et in die anniversarii mei pitanciam de predicta elemosina habebunt Quod ut ratum et inconcussum permaneat presentem paginam sigilli mei appositione corroborari precepi Hujus elemosine testes sunt Petrus decanus ecclesie Sancti Thome de Crespiaco Willelmus capellanus Leprosorum de Firmitate Droco clericus meus Bartholomeus de Toriaco Aubertus de Faiel Petrus de Vaus Stephanus de Bonolio milites et socii mei Actum Parisius anno Incarnati Verbi MCXC quinto Kalendis Augusti