Charter Document - 04900536
| Charter Number: | 04900536 |
|---|---|
| Cartulary Title: | Recueil de chartes et documents de Saint-Martin-des-Champs [Paris] |
| Charter Language: | Latin |
| Charter Origin: | Religious |
| Charter Type(s): | Exchange |
| Date: | 1194 - 1195 |
| Date type: | Internal, A.D. |
| Resource Link(s): |
|
Charter:
Notum sit omnibus tam presentibus quam futuris quod Robertus prior Sancti Martini de Campis assensu et voluntate tocius capituli et Daniel prior Sancti Lazari assensu capituli ejusdem domus quandam commutationem fecerunt super censum quem debebat Sanctus Martinus Sancto Lazaro et Sanctus Lazarus Sancto Martino tali conditione quod Sanctus Martinus condonat et in perpetuum pacifice quittat vii solidis pro Otranno et v solidis pro Rubro monte et in Tanneria xv solidis et in vico Sancti Martini v solidis Et econtrario Sanctus Lazarus quittat Sancto Martino pro Johanne de Derenci xv solidis pro Garino de Alneto viii solidis de Funtaneto iiii solidis pro Helluino Papo v solidis Et ita una quaque istarum ecclesiarum liberatur ab omnibus censualibus invicem sibi respondentibus excepto quod Sanctus Martinus debet Sancto Lazaro iii solidis censuales super domibus de Campellis Actum hoc anno ab incarnatione Domini millesimo centesimo nonagesimo quarto