Charter Document - 04900532
| Charter Number: | 04900532 |
|---|---|
| Cartulary Title: | Recueil de chartes et documents de Saint-Martin-des-Champs [Paris] |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1193 - 1194 |
| Date type: | Internal, A.D. |
| Resource Link(s): |
Cartulaires d'Île-de-France |
Charter:
Ego Symon Dei gratia Meldensis episcopus et ego frater Robertus prior Sancti Martini de Campis totusque ejusdem loci conventus notum facimus t p q f quod cum quedam controversia versaretur inter Priorem de Aneto et dominum Willelmum de Aneto super tertia parte cujusdam decime in qua predictus Willelmus quasdam consuetudines contra justiciam usurpabat scilicet in trahenda decima in excussoribus et custodibus ponendis in forragine et excussionibus et croiviis que sibi retinebat idem Willelmus jus nostrum recognoscens assensu et voluntate uxoris sue et heredum suorum concessit Priori ut tam in dominicatura quam in proprietate et sine aliqua exceptione in omnibus rebus ad decimam pertinentibus tertiam partem habeat et insuper granchiam de communi facient in qua predictus Willelmus duas partes suis sumptibus faciet Prior de Aneto terciam bona fide et quotienscumque necesse fuerit tam in edificando novam quam in reparando edificatam in qua predictus Prior proprium servientem ad conservandum jus suum ex parte sua ponet Hanc pactionem juravit sepe dictus Willelmus se fideliter observaturum et quod nec per se nec per suos dampnum xii denariorum Priori permittet inferri Pro hac autem concessione dedit Prior de Aneto sepe dicto Willelmo xxx libras intuitu caritatis Juravit etiam Symon prefati Willelmi filius quod de conscientia sua non permittet fraudem fieri usque ad xii denarios circa proventus decime in dampnum Prioris Aneti Ego Symon omnes contra tam laudabilem conventionem venientes vinculo excommunicationis innodavi Hujus rei testes sunt De clericis Garinus archidiaconus Matheus archidiaconus Hubertus capellanus ejusdem episcopi De monachis Johannes subprior Sancti Martini Theobaldus tercius prior Guillelmus camerarius et alii quam plures De laicis Manasserus miles de Triaco Radulfus miles de Aneto Johannes de La Varenne Bernardus major Garnerius viator Anselmus Adam faber Actum est istud anno Incarnationis Dominice MCLXXXXIII