Charter Document - 04900529
| Charter Number: | 04900529 |
|---|---|
| Cartulary Title: | Recueil de chartes et documents de Saint-Martin-des-Champs [Paris] |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1192 - 1193 |
| Date type: | Internal, A.D. |
| Resource Link(s): |
|
Charter:
Ego Symon Dei gratia Meldensis episcopus notum facio universis t p q f quod domnus Willelmus de Alneto assensu domine Yolenz uxoris sue et Galterii filii sui donavit in elemosinam monachis Sancti Martini de Campis apud Mauregart Deo servientibus totam decimam de toschis et de rupticiis que circa villam de Mauregart in adjacenti nemore fient vel fieri possunt videlicet tali pacto quod duobus monachis sacerdotibus qui ad presens ibidem Deo serviunt tercius monachus sacerdos in perpetuum pro hac elemosina addetur Illud etiam sciendum est quod anniversarium predicti Willelmi de Alneto apud Sanctum Martinum de Campis imperpetuum celebrabitur Quod ne aliqua malignantium arte valeat deinceps infirmari presentem cartam sigilli nostri auctoritate et testium subscriptione roboramus Testes Walterius de Chaneveriis Petrus Sapiens Hugo de Nemore Willelmus Torchart Actum Meldis anno Verbi incarnati MCLXXXXII