Charter Document - 04900527
| Charter Number: | 04900527 |
|---|---|
| Cartulary Title: | Recueil de chartes et documents de Saint-Martin-des-Champs [Paris] |
| Charter Language: | Latin |
| Charter Origin: | Religious |
| Charter Type(s): | Exchange |
| Date: | 1177 - 1192 |
| Date type: | Assigned |
| Resource Link(s): |
Cartulaires d'Île-de-France |
Charter:
Ego Garinus ecclesie Sancti Victoris abbas et ejudem loci conventus notum fieri volumus t f q p quod de controversia quam habemus adversus monachos Sti Martini de Campis super quibusdam terris facta est compositio in hunc modum xii arpennos terre sitos in territorio de Vilers et de Gonesse qui de jure Sancti Martini antiquitus fuerant sed postea in potestatem ecclesie Sancti Victoris transierant sine litteris capituli Sancti Martini libere et quiete nobis dimiserunt remittentes quicquid juris in eis habuerant Nos vero terram illam in territorio de Duni sitam de qua controversia erat que de jure ecclesie nostre antiquitus fuerat sed sine litteris Capituli nostri in potestatem predictorum monachorum transierat eisdem monachis in perpetuum quiete possidendam concessimus eo tenore quod annuatim nobis solvent decem solidos parisienses insuper remittent nobis tres solidos et octo denarios de censu quos ei debebamus apud Vitriacum annuatim Testes qui affuerunt Robertus prior Robertus supprior frater Anselmus frater Haimericus presbiteri frater Tebaldus frater Ricardus diaconi frater Philippus frater Alelmus subdiaconi Quod ne valeat oblivione deleri scripto commendavimus et sigilli nostri impressione fecimus roborari