Charter Document - 04900526
| Charter Number: | 04900526 |
|---|---|
| Cartulary Title: | Recueil de chartes et documents de Saint-Martin-des-Champs [Paris] |
| Charter Language: | Latin |
| Charter Origin: | Religious |
| Charter Type(s): | Settlement |
| Date: | 1182 - 1192 |
| Date type: | Assigned |
| Resource Link(s): |
Cartulaires d'Île-de-France |
Charter:
Sententia data de controversia de Tor et vinea F[ulco] abbas Sancti Germani Parisiensis et M decanus Meldensis notum facimus quod cum quedam controversia in presentia nostra auctoritate Apostolica versaretur inter monachos Sti Martini de Campis et Avelinam viduam super quadam domo de Malobussone et terra et vineis quas ipsa in elemosinam sibi a quadam amita sua Maria nomine et Roberto marito ejus donatas aiebat nos utriusque partis testes et eorum attestationes diligenter examinantes consilio prudentium virorum et legis peritorum Stephani abbatis Sancte Genovefe et Petri cantoris Parisiensis qui interfuerunt servato judiciario ordine monachos Sancti Martini ab impetitione hujus mulieris auctoritate Apostolica absolvimus perpetuum eidem mulieri super hujusmodi questione silentium imponentes Domum vero predictam cum terra et vineis ecclesie Sancti Martini que triginta annis sine interruptione se tenuisse testibus ydoneis comprobavit firmavimus et presentem paginam sigillorum nostrorum impressione communivimus