Charter Document - 04900523
| Charter Number: | 04900523 |
|---|---|
| Cartulary Title: | Recueil de chartes et documents de Saint-Martin-des-Champs [Paris] |
| Charter Language: | Latin |
| Charter Origin: | Religious |
| Charter Type(s): | Settlement |
| Date: | 1175 - 1192 |
| Date type: | Assigned |
| Resource Link(s): |
|
Charter:
Ego Mauricius Dei gratia Parisiensis episcopus notum fieri volumus t p q f quod controversia que inter ecclesiam Sti Martini de Campis et milites de Noa scilicet Fulconem et Johannem filium ejus diutius agitata et ex mandata Dni Pape Nobis discutienda commissa est partis utriusque consensu in concordia concurrente terminata est in hunc modum Tractum decime de Lerniaco versus Montem Bernuini situm et silve contiguum predicti militis anno tercio habere consueverant Sed ipsum refutatum Nobis habendum concesserunt eo tenore ut ipsi unum ex duobus tractibus nostris aliis et terciam partem redecimationis in omnibus tractibus insuper in granchia tercium excussorem grani et terciam partem forraginis habeant Tractum vero minute decime in quo nichil habent omnino refutaverunt et eum Nobis quiete habendum concesserunt Clavis etiam granchie in anno tercio quo decimam trahent extra Lerniacum non feretur sed ibidem alicui assensu communi commendabitur ita quod Johannes major natu et Johannes minor fratres hunc expositionis tenorem se fideliter observaturos in presentia nostra juraverunt Hoc etiam additum est in jurejurando quod patrem suum et alium fratrem Rainaldum cum uxoribus in hujus rei consensum inducerent Quod ut ratum sit scripto et sigilli nostri impressione et testium subnotatione firmavimus Hi sunt testes Marcellus Osmundus Theobaldus de Viri Otho decanus Garnerius prepositus Guibertus Gaufredus