Charter Document - 04900514
| Charter Number: | 04900514 |
|---|---|
| Cartulary Title: | Recueil de chartes et documents de Saint-Martin-des-Champs [Paris] |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1190 - 1191 |
| Date type: | Internal, A.D., Regnal |
| Resource Link(s): |
Cartulaires d'Île-de-France |
Charter:
In nomine sancte et individue Trinitalis Philippus Dei gratia Francorum rex Noverint universi presentes pariter et futuri quod Nos intuitu Dei et in commutationem usuarii quod monachi Sancti Martini de Campis habebant in nemore nostro de Vilcena eis dedimus et in perpetuum concessimus et assignavimus sex libras Parisiensium in prepositura nostra Parisius singulis annis percipiendos in festo sancti Remigii Si quis autem prepositus ultra statutum terminum retinere presumpserit predictos denarios precipimus ut totiens quinque solidos det de emendatione quot diebus ultra terminum denarios monachorum detinuerit Quod ut in posterum ratum illibatumque permaneat presentem paginam sigilli nostri auctoritate et regii nominis karactere inferius annotato precipimus confirmari Actum Parisius anno Incarnati Verbi millesimo centesimo nonagesimo regii nostri undecimo Astantibus in palatio nostro quorum nomina subscripta sunt et signa Signum comitis Theobaudi dapiferi nostri Signum Guidonis buticularii Signum Mathei camerarii Signum Radulfi constabularii Data vacante cancellaria