Charter Document - 04900503
| Charter Number: | 04900503 |
|---|---|
| Cartulary Title: | Recueil de chartes et documents de Saint-Martin-des-Champs [Paris] |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1189 - 1190 |
| Date type: | Assigned |
| Resource Link(s): |
|
Charter:
In nomine Patris et Filii et Spiritus sancti amen Ea que donatione fidelium ecclesiis erogata seu juste modis aliis adquisita sunt inviolabilem convenit habere firmitatem et ut Deo servientium usibus integra conserventur litis et calumnie precidenda est omnis occasio Ea propter ego Ansellus de Passo que subscripta sunt tam p q f memorie volui commendari Dominus Robertus genitor meus decimam unius carrucate apud Novam Villulam in territorio Morinensi monachis de Passo donaverat in elemosinam Postmodum urgente necessitate peregrinationis mee de venditione predicte carrucate cum monachis de Claromaresio agere cepi Verum illi ad emptionem ejus non poterant induci nisi et decimam ejusdem haberent Proinde precibus a supramemoratis monachis obtinui ut decimam eam e jure suo dimissam mihi vendere permitterent et a me pro ea equivalens acciperent Hac itaque consideratione predicta decima cessit in jus ecclesie de Claromaresio et ego monachis de Passo culturam quandam meam apud Wiri in Valle sitam ab omni consuetudine liberam excepto terragio sementis vi sextariorum susceptibilem in commutationem dedi Preterea terram quam pater meus ad cimiterium Sancti Petri cum omni libertate et immunitate donavit eisdem fratribus habendam perpetuo jure concessi et prefate donationi duos hospites quos in loco eodem habueram adjeci ex tenore ut illi vel quotquot alii hospites in cymiterio fuerint ab omni exactione quieti permaneant Annonam etiam fratrum ipsorum in quocunque molendinorum meorum voluerint absque exactione molendam esse excepto molendinarii jure concessi Quod ut ratum et inconcussum permaneat sigilli mei impressione et testium subscriptione firmavi Hi sunt testes Balduinus de Horrevilla Gervasius prepositus Hubertus de Curcellis Hilbertus de Mondricurt Robertus de Bellocampo Vivianus Adam de Mondricurt