Charter Document - 04900468
Charter Number: | 04900468 |
---|---|
Cartulary Title: | Recueil de chartes et documents de Saint-Martin-des-Champs [Paris] |
Charter Language: | Latin |
Charter Origin: | Religious |
Charter Type(s): | Confirmation |
Date: | 1183 - 1184 |
Date type: | Internal, A.D. |
Resource Link(s): |
|
Charter:
In nomine sancte et individue Trinitatis Quoniam in humanis rebus nichil est stabile nichil firmum et multa hominum gesta temporis diuturnitate et hominum interitu a memoria elabuntur ideirco magnis ac sapientibus viris visum est ea que in suis temporibus facta in subsecuturis etiam vellent inconcussa manere litteris assignando posteris relinquere Quapropter ego Symon Dei gratia Meldensis ecclesie minister humilis tam modernis quam posteris presenti pagina notum fieri volumus quod Odo miles de Manciniaco et Reinaldus frater ejus et Maria uxor ejus et Johannes filius ejus universam decimam de omnibus terris a vineis quas habent in territorio de Manciniaco et de Camberiaco et minutam decimam tocius ville de Manciniaco in elemosinam in presentia nostra ecclesie Sti Nicholai de Aci imperpetuum possidendam tali conditione quod Theobaldus prior pred ecclesie dedit illis centum libras Parisiensis monete Prefatus vero Odo et frater ejus et uxor ejus et filius concesserunt pred ecclesie arpennum terre ad granchiam edificandam ab omni exactione liberrimum Hoc fide prestita Odo ipse et frater ejus garandiam inde portare juraverunt Hoc laudavit Robertus de Montion fide prestita de cujus feodo erat et uxor ejus Contessa similiter laudavit Hec etiam laudaverunt sorores predicti Odonis Contessa et Heluvis et mariti eorum Guido de Minsiis et Albericus de Guinnicurt Hujus pactionis sunt fide jussores omnes per fidem Odo Castellanus et Manasses Burre et Simon filius ejus et Robertus de Montiom Gaufridus de Sancto Patusio et Symon de Sancto Suplitio Guido de Mingiis et Albericus de Guinnicurt Si vero inde aliqua orta fuerit calumpnia fide jussores predicti infra octo dies postquam submoniti fuerint a monachis ponent se in captionem in civitate Silvanectensi nec inde exibunt donec monachis satisfactum fuerit [Hujus rei testes sunt Roricus archidiaconus Petrus cantor Adam succentor] Actum est hoc anno episcopatus nostri sexto Quod ut ratum sit et inconcussum permaneat sigilli nostri auctoritate confirmamus Anno ab Incarnatione Domini MC octogesimo tercio