Charter Document - 04900460
| Charter Number: | 04900460 |
|---|---|
| Cartulary Title: | Recueil de chartes et documents de Saint-Martin-des-Champs [Paris] |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1180 - 1181 |
| Date type: | Internal, A.D. |
| Resource Link(s): |
Cartulaires d'Île-de-France |
Charter:
Ego Ivo Dei gratia abbas de Sancto Portu et conventus ejusdem loci universis fidelibus notum fieri volumus presentibus et futuris quod querela quam habuimus adversus monachos Sti Martini de Campis super decima quam in clauso nostro de Fontanis et in vinea Amandi quam possidemus habere volebant prudentium virorum consilio et utriusque partis assensu tali demum compositione terminata est quod scilicet pro decima illa de vino earumdem vinearum mero et non presso rato ubi fuerit in cupa plena aut ad minus semiplena modius unus illis annuatim solvetur et de cetero in vineas quas deinceps in valle de Fontanis adquisierimus quod juris illorum fuerit habebunt Testes qui in his interfuerunt Milo abbas Sancti Petri Mileduni [Balduinus] prior de Castelerio [Johannes de Roableio Bernardus de Brulleio Hec pactio a nobis et a domno Roberto priore Sancti Martini de Campis concessa in capitulo postmodum illorum et nostro recordata est et generali universorum assensu laudata et firmata Ut autem hec inviolabilem obtineat firmitatem scripto commendari et sigillo nostro fecimus roborari] Actum anno incarnati Verbi MCLXXX