Charter Document - 04891226
| Charter Number: | 04891226 |
|---|---|
| Cartulary Title: | Recueil de chartes et documents de Saint-Martin-des-Champs [Paris] |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1108 - 1122 |
| Date type: | Assigned |
| Resource Link(s): |
Reference Document for this Embedded Document |
Charter:
Ego igitur Ludovicus Dei gratia rex Francorum notum facio presentibus et posteris quoniam presentiam nostram adiit Suggerius venerabilis pastor et abbas ecclesie beatissimorum Dionysii Rustici et Eleutherii humiliter et devote implorans ut pro remedio anime mee conjugis et prolis et salute predecessorum meorum quasdam exactiones et consuetudines opprimentes quas in burgo Sti Dionysii antiquitus obtinueram a pretaxata villa et ejusdem pertinentiis penitus exstirpatam et tam ea que tempore administrationis ejus quam ea que tempore antecessoris ejus Deo inspirante beatis Martyribus contulimus auctoritatis nostre precepto in presentia Archiepiscoporum Episcoporum et regni nostri Optimatum confirmaremus Hujus itaque juste petitioni et pie devotioni spe superne remunerationis et amore Beati Dionysii gloriosi patroni nostri et ceterorum quos eadem fides et passio confederavit pie prout dignum erat assensum prebuimus et subscriptas consuetudinum exactiones quod et in tempore antecessoris ejus Nos jam fecisse meminimus omnino in perpetuum condonantes relaxamus ne videlicet servientes nostri ullatenus exigant ut annuatim solebant in prescripto burgo tempore vindemiarum in foro piscem fructum circellos conchas et salem et in pistrino monachorum panes