Charter Document - 04890448
| Charter Number: | 04890448 |
|---|---|
| Cartulary Title: | Recueil de chartes et documents de Saint-Martin-des-Champs [Paris] |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1168 - 1178 |
| Date type: | Assigned |
| Resource Link(s): |
|
Charter:
Ego Johannes de Cociaco et Adeleidis uxor mea notum facimus t p q f quod Hugo de Capella pro eo quod decimam quandam quam ecclesie Sti Martini de Campis pro xl libris invadiaverat injuste occupavit sententiam excommunicationis incurrerat Ipse autem ea que perperam egerat emendare cupiens duos modios annone scilicet unum frumenti et alterum avene in decima sua de Bolorria singulis annis antequam aliquid de sua parte accipiat habendos ecclesie Sti M de C in perpetuum concessit assentientibus et laudantibus liberis suis Et quoniam pars hujus decime est de feodo illius qui futurus est dominus Creciaci nos qui castellum hoc in manu nostra tenemus huic concessioni jamdicti Hugonis assensum prebuimus ad majorem etiam confirmationem fidejussores et obsides sumus quod filios domini Widonis de Castellione Galcherium et Widonem cum ad etatem virilem pervenerint hoc ipsum concedere faciemus Quod ut futuris temporibus inviolabiliter observetur scripto et sigilli nostri impressione cum testium subnotatione firmavimus Hec sunt nomina testium Petrus vicecomes Bartholomeus frater ejus Robertus de Sancto Martino Petrus de Bercheriis Bartholomeus de Molengiis Arnulfus Judas et Guido filius ejus