Charter Document - 04890445
| Charter Number: | 04890445 |
|---|---|
| Cartulary Title: | Recueil de chartes et documents de Saint-Martin-des-Champs [Paris] |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1177 - 1178 |
| Date type: | Internal, A.D. |
| Resource Link(s): |
|
Charter:
In nomine Patris et Filii et Spiritus sancti amen Ego Symon Dei gratia Meldensis episcopus notum fieri volo presentibus et posteris quod dominus Willelmus de Barris pro remissione peccatorum suorum Iherosolimam petens hoc quod in decima de Oisseriaco et in decima de Furfreio cujus terciam parlem ecclesia Sti Martini de Campis habet et nos ab ipsa ejusdem tercie partis medietatem tenemus injuste in parte nostra usurpavit penitentia ductus quiete in perpetuum dimittit Insuper etiam terciam partem decime novalium nemoris de Chasnelo que novalia vel jam culta sunt vel deinceps excolentur pro excessibus suis nobis et ecclesie Bti Martini tranquille in perpetuum possidendam concedit Actum est hoc in presentia nostra laudantibus filiis ejusdem Willelmi Willelmo et Johanne et reliquis ipsius filiis anno ab Incarnatione Domini MCLXXVII Hujus rei testes sunt Roricus et Herbertus archidiaconi Adam Hubertus De laicis Teobaldus de Crispiaco Hugo de Cornilione Hugo de Furfreio Hugo Eventatus Johannes de Porta Sancti Melori Ex parte Sti Martini Robertus prior de Causiaco Aigulfus prior de Cresceio Ranulfus prior de Marnoa Ut autem hoc ratum et inconcussum permaneat sigilli nostri auctoritate firmamus et predictus Willelmus de Barris suum pariter apponit siggillum