Charter Document - 04890432
| Charter Number: | 04890432 |
|---|---|
| Cartulary Title: | Recueil de chartes et documents de Saint-Martin-des-Champs [Paris] |
| Charter Language: | Latin |
| Charter Origin: | Religious |
| Charter Type(s): | Concession |
| Date: | 1176 - 1177 |
| Date type: | Internal, A.D. |
| Resource Link(s): |
|
Charter:
In nomine Patris et Filii et Spiritus sancti amen Notum sit Sancte Dei Ecclesie filiis tam clericis quam laicis p et f quod ego Walterius prior Sti Martini de Campis assensu domini Radulfi abbatis Cluniacensis et totius capituli nostri benigne concessi domno Petro abbati Caricampi et ejusdem cenobio propter amorem Dei cappellam et locum qui dicitur Sti Hylarii que est subter villa Fevrencii perpetuo et hereditario jure cum omnibus appenditiis suis possidendam ea scilicet conditione quatinus predicti cenobii abbas persolvat ecclesie nostre pro censu sing annis unam marcam argenti ad majus pondus in festivitate Sti Martini de obitu Concessi quoque pred abbati et eidem cenobio sub memorato censu totam decimationem que ad altare Sti Hylarii Fevrentii pertinebat a valle Gunzonis usque ad terras de Borraz et quicquid de pheodo Sti Martini ab Adam milite acquisierat Porro ex omnibus rebus quas memoratus Adam ab ecclesia Sti Martini in pheodum tenuit vel tenet abbati Caricampi liberum tribuimus dominium ut predicti militis hominium et debitum ab eo recipiat servitium Designavimus preterea quod domnus Hugo pie memorie abbas Caricampi apud Pas pomerium habuit quod annuente Ansello de Pas qui illud suprad abbati dederat monachis Sti Martini in codem castro manentibus idem abbas commutavit pro decimis que ad altare Sti Modesti Ligniaci pertinebant a capite Haie usque ad terras de Borraz uno tantum excepto campo qui vocatur Campania Quam commutationem monachi Sti Modesti Ligniaci pariter concesserunt Ut igitur pactiones iste rate et stabiles consistant pr paginam in cyrographum dividi et utramque partem sigillo domni Petri abbatis Caricampi et nostro volumus confirmari Hujus rei testes sunt Robertus subprior Sti Martini Theobaldus Alexander Joszo sacrista Paulus subsacrista Petrus camerarius Andreas hospitalis Rodulfus Abbatisville et Alvredus et Angerius Robertus prior Ligniaci Walterus prior Sti Nicholai Fulco prior de Luccio Andreas monachus Caricampi et Willelmus Hecelinus monachus Karoliloci Alelmus de Horivilla Tarvennensis canonicus Actum anno Incarnati Verbi MCLXXVI in capitulo Sti Martini