Charter Document - 04890422
| Charter Number: | 04890422 |
|---|---|
| Cartulary Title: | Recueil de chartes et documents de Saint-Martin-des-Champs [Paris] |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1174 - 1175 |
| Date type: | Internal, A.D. |
| Resource Link(s): |
|
Charter:
Willelmus Dei gratia Senonensis archiepiscopus Apostolice sedis legatus omnibus sancte matris Ecclesie filiis tam futurorum quam presentium in perpetuum Noverit universitas vestra quod Hugo de Sarbeuereth et uxor sua Polina coram nobis quartam partem decime de Angervilla quam in annona habebant et que ad jus hereditarium jam dicte Poline spectabat ecclesie Beati Martini in perpetuum obtinendam dederunt Et hoc donum Petrus de Cresperiis de cujus feodo erat in presencia nostra laudavit Et hii omnes firmiter tenere et de jure warantizare in manu nostra fiducia verrunt Quod ut ratum et inconcussum in posterum permaneat presentis scripti attestatione et sigilli nostri auctoritate corroborari precipimus Actum publice apud ecclesiam Beati Martini de Campis anno ab Incarnatione Domini MCLXXIIII Astantibus nobis Girardo archidiacono Trecensi magistro Alexandro Walensi et Garnerio de Triagnello canonicis Senonensibus Radulfo et Rogerio capellanis nostris Gilone canonico Carnotensi Gunterio canonico Stampensi