Charter Document - 04890421
| Charter Number: | 04890421 |
|---|---|
| Cartulary Title: | Recueil de chartes et documents de Saint-Martin-des-Champs [Paris] |
| Charter Language: | Latin |
| Charter Origin: | Religious |
| Charter Type(s): | Ruling |
| Date: | 1180 |
| Date type: | Assigned |
| Resource Link(s): |
|
Charter:
In nomine Patris et Filii et Spiritus sancti amen Ego Mauricius Dei gratia Parisiensis episcopus nota esse volo t p q f que subjecta sunt Temporibus nostris mota fuit controversia ab ecclesia Sti Martini de Campis cujus tunc temporis prior erat Gualterius dictus Cathalaunensis adversus Radulfum de Buci militem et Margaretam uxorem Petri filii Auboudi de Latiniacho tunc viduam Illi autem duo dicebant ad jus suum pertinere griariam omnium nemorum pertinentium ad feodum Maroliarum positorum ultra viam que dicitur Evaz scilicet ex altera parte predicte ville E contra monachi asserebant et monstrare parati erant quod Drogo archidiaconus Parisiensis jure hereditario predictam villam Marolias et omnes dominicaturas sive feodos tam in nemoribus quam in terris ad potestatem ejusdem ville pertinentes libere et quiete sine omni subjectione griarie tempore suo possidebat et in eodem libertate ecclesie Bti Martini de Campis hec omnia in eternum possidenda contradidit Nos autem cum hec in presentia nostra agitarentur mediatoris vice fungentes discordantes in pacem hoc modo reduximus Monachi de consilio nostro iiii libras Parisiensium illis dederunt scilicet unicuique xl solidos Illi vero veritate a nobis diligenter inquisita multis astantibus recognoverunt in predictis nemoribus nullum se jus griarie habere et calumpnie quam injuste moverant per manum nostram penitus renuntiantes omnia nemora sive ultra sive citra viam Evaz constituta scilicet ad feodum Maroliarum pertinentia ab omni griaria imperpetuum clamaverunt quieta Margareta autem quoniam habebat filios infra etatem positos fide propria firmavit quod illis ad etatem pervenientibus pro posse suo persuaderet pacem istam servare quod si nullo modo posset xl solidos quos pro pace acceperat monachis redderet et de hoc plegios dedit scilicet Radulfum Raslardum Drogonem de Belloburgo Radulfum de villa que dicitur Campi Que ut firma et inconvulsa permaneant utriusque partis rogatu et assensu hec omnia in scriptum redegimus et tam sigilli nostri munimine quam testium subnotatione corroboravimus [Ex parte monachorum textes affuerunt Evrardus de Christolio Hugo de Curte Freerius de Centenio Algardus et Radulfus famuli] Prioris Ex parte altera testes fuerunt Radulfus Raslardus Drogo de Belloburgo Radulfus [de villa que dicitur Campi Guarinus Tohuns Nobis autem astabant qui hec viderunt et audierunt Gualterius capellanus noster Ascelinus de Sauz Ansellus filius Theberti Symon de Sancto Dyonisio Bartholomeus qui fuit archipresbiter]