Charter Document - 04890410

Alexander episcopus servus servorum Dei dilectis filiis Priori monasterii de Cona ejusque fratribus t p q f regularem vitam professis in perpetuum Pie postulatio voluntatis effectu debet prosequente compleri ut et devotionis sinceritas laudabiliter enitescat et utilitas postulata vires indubitanter assumat Eapropter dilecti in Domino filii vestris justis postulationibus clementer annuimus et prefatum monasterium in quo divino mancipati estis obsequio sub Bti Petri et nostra protectione suscipimus et presentis scripti privilegio communimus in primis siquidem statuentes ut ordo monasticus qui secundum Deum et beati Benedicti regulam in eodem loco institutus esse dignoscitur perpetuis ibidem temporibus inviolabiliter observetur Preterea quascunque possessiones quecumque bona idem monasterium impresentiarum juste et canonice possidet illibata permaneant In quibus hec propriis duximus exprimenda vocabulis Ecclesiam Sancti Petri de Cona cum pertinentiis suis et quicquid habetis in territorio de Foissy quidquid habetis in Monte Arlais ecclesiam Sti Martini de Dormella cum o p s et molendinum de Monte Moret quod est in parochia ejusdem ecclesie Quidquid habetis in ecclesia Sti Martini de Miri quidquid habetis in ecclesia de Savius quicquid habetis in ecclessie de Sancto Valeriano quidquid habetis in ecclesia Sti Lupi de Villa Thierry quidquid habetis in ecclesia Sti Martini de Truisi et in eadem villa quidquid habetis in Varennis et in Valenciis et in Lavile aquam scilicet que superfluit monasterio cum passagio et prata de Milleris que data sunt monasterio vestro a bone memorie Ala comitissa Blesensi et quartam partem salagii de Mosteriolo et censum de Moncellis quidquid habetis in molendino stanni de Sancto Valeriano terram de Chasneto quidquid habetis in villa Emanli terram quam habetis ad Montem Machoi et quidquid habetis apud Palais et nemus Arlais quidquid habetis in nemore Sti Mauritii et in nemore Sti Petri quod est vicecomitis et terram quam habetis in parochia de Blena prata molendinum alnetum et nemus et quartam partem territorii de Villafrod et alodium du Saveniaco Sepulturam quoque ipsius loci liberam esse decernimus ut eorum devotioni et extreme voluntati qui se illic sepeliri deliberaverint nisi forte excommunicati vel interdicti sint nullus obsistat salva tamen justitia illarum ecclesiarum a quibus mortuorum corpora assumuntur In parochialibus autem ecclesiis quas tenetis liceat vobis sacerdotes eligere et episcopo presentare quibus si idonei fuerint episcopus animarum curam committat ut de plebis quidem cura episcopo vobis autem de temporalibus debeat respondere Sane novalium vestrorum que propriis sumptibus colitis sive de nutrimentis vestrorum animalium nullus a vobis decimas presumat exigere Cum autem commune terre interdictum fuerit liceat vobis clausis januis exclusis excommunicatis et interdictis non pulsatis campanis suppressa voce divina officia celebrare Obeunte vero te nunc ejusdam loci priore vel tuorum quolibet successorum nullus ibi qualibet subreptionis astutia seu violentia preponatur nisi quem fratres communi consensu vel fratrum pars consilii sanioris secundum Dei timorem et beati Benedicti regulam providerint eligendum Decernimus igitur [] Datum Tusculanum per manum Gratiani sancte Romane ecclesie subdiaconi et notarii xvi kal decembris indictione vi Incarnationis Dominice anno MCLXXII pontificatus vero domni Alexandri pape III anno xiv