Charter Document - 04890397
| Charter Number: | 04890397 |
|---|---|
| Cartulary Title: | Recueil de chartes et documents de Saint-Martin-des-Champs [Paris] |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1155 - 1168 |
| Date type: | Assigned |
| Resource Link(s): |
|
Charter:
In nomine sancte et individue Trinitatis Ego Beatrix de Petrafonte notum fieri volo tam presentibus quam posteris quod ecclesie Bti Martini de Campis et monachis ibidem Deo servientibus concedente et laudante domino meo rege Ludovico dedi et concessi quicquid habebam vel possidebam in villa que Bonnelles nuncupatur terram hospites censum nemus justiciam dominium minagium et omnes redditus meos preposituram salvo jure prepositi et omnes feodos et quicquid de feodo Bonelle pertinet sive de feodo exit seu Nocenis seu ubilibet Et ut donum hujus helemosine firmius stabiliretur sigilli mei impressione et testium subnotatione corroborari precepi Hii sunt testes Symon subprior Joszo sacrista Petrus nepos meus monachi Remigius decanus Sancti Germani Fulcoinus Rogerus Vitalis Imbertus et Galterius presbyteri Odo Bucellus Helluinus de Mollent Hubertus Robertus major Gumbertus Adam Rufus Algardus Constancius et Adam Rosa laici