Charter Document - 04890384
| Charter Number: | 04890384 |
|---|---|
| Cartulary Title: | Recueil de chartes et documents de Saint-Martin-des-Champs [Paris] |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1165 |
| Date type: | Assigned |
| Resource Link(s): |
|
Charter:
Alexander episcopus servus servorum Dei dilectis filiis T[heobaldo] priori et fratribus Sti Martini de Campis salutem et Apostolicam benedictionem Justis petentium desideriis dignum est nos facilem prebere consensum et vota que a rationis tramite non discordant effectu sunt prosequente complenda Eapropter dilecti in Domino filii vestris justis postulationibus grato concurrentes assensu compositionem inter vos et P[etrum] presbiterum de Crisperiis super redditibus decimis et oblationibus et quibusdam aliis rebus que ad pred ecclesiam de Cresperiis pertinere noscantur mediantibus siquidem venerabili fratre M[auricio] Parisiensi episcopo et dilecto filio nostro Hu[gone] abbati Sancti Germani rationabiliter factam sicut in autentico scripto eorumdem noscitur contineri vobis et per vos ecclesie vestre auctoritate apostolica confirmamus Datum Stampis xii kal maii