Charter Document - 04890373

Ego frater Theobaldus prior Sancti Martini de Campis notum facio tam futurorum quam presentium quod quicquid habemus apud Sanctum Audomarum et decimam pedagii de Miliaco et quod habemus in pedagio de Conti et modium unum frumenti in molendino de Huns hoc totum concessimus ecclesie Sancti Luciani Belvacensis assensu totius capituli nostri et quicquid juris habemus in his predictis in prenominatam ecclesiam totum sine diminutione transfudimus Sub tali quidem pactione quod ecclesia Sancti Martini de Campis jure perpetuo possidebit quicquid terre et redditus habebat ecclesia Sancti Luciani apud Puteolos et apud Luvres Insuper quod ecclesia Sancti Luciani persolvet Beato Martino apud Parisius vii libras Belvacensis monete singulis annis sexaginta videlicet et x solidos in festivitate hyemali Beati Martini et alios lx et x solidos infra octavas Pasche Quod si ecclesia Sancti Luciani summam predictam statuto termino non persolverit tercia die post festum Beati Martini persolvet legem x solidos Similiter si infra octavas Pasche non reddiderit eandem legem x scilicet sol persolvet Beato Martino sequenti die post octabas Si vero quod absit statutis terminis neque consum neque legem ecclesia Belvacensis Sancto Martino reddiderit tunc omnes ecclesie Sancti Luciani que in episcopatu Belvacensi constitute sunt a divino officio cessabunt sine alio judicio vel placito donec ecclesia Sancti Luciani de predicto censu et lege ecclesie Sancti Martini satisfecerit Hec autem pactio inter utramque ecclesiam firmata est ita quod carta Sancti Luciani signata est sigillo Sancti Martini et carta Sancti Martini signata est sigillo Sancti Luciani Actum Parisius apud Sanctum Martinum de Campis anno ab Incarnatione Domini MCLXI regnante rege Francorum Ludovico secundo Ego frater Petrus abbas Sancti Luciani Belvacensis notum facio tam futurorum quam presentium quod Theobaldus venerabilis prior Sancti Martini de Campis quicquid habebat apud Sanctum Audomarum hoc totum concessit ecclesie Sancti Luciani Belvacensis assensu tocius capituli sui et quicquid juris habebat sine diminutione transfudit Sub tali quidem pactione regnante rege Francorum Ludovico secundo