Charter Document - 04890369
| Charter Number: | 04890369 |
|---|---|
| Cartulary Title: | Recueil de chartes et documents de Saint-Martin-des-Champs [Paris] |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1159 - 1160 |
| Date type: | Internal, A.D. |
| Resource Link(s): |
|
Charter:
Ego Henricus Trecensis comes palatinus tam presentium existencie quam future posteritati notum facio quod redditum quemdam ecclesie Ste Gemme apud Aceyum de assensu monachorum Ste Gemme in manum meam accepi pro cujus restitutione xx sextarios frumenti singulis annis ad Stam Gemmam accipiendos pref ecclesie que cum omnibus bonis suis sub illustrissimi regis Francie custodia consistit assignavi eo tenore ut cum ministerialis meus per manus monachorum Ste Gemme qui in villa et territorio ejusdem loci cum omni justicia viariam et vicecomitatum habent frumentum quod pro theloneo debetur apud Stam Gemmam serviente monachorum precedente et etiam mensurante frumentum collegerit ejusdem loci monachi xx sextarios ipsius frumenti primitus per se accipient ibidem et gagia per manus monachorum capta pro defectu frumenti in districtu eorumdem monachorum apud Stam Gemmam septem diebus et septem noctibus remanebunt Et ut hec commutatio rata et inconcussa permaneat eam sigilli mei impressione et testium subnotatione confirmari precepi Hujus confirmationis testes affuerunt Nicolaus capellanus magister Hugo de Monterampon Haycius de Planciaco Ansellus de Triangulo buticularius Gaufridus Brulars Obertus de Petraponte Petrus Bristaldus Theobaldus de Mutri Gervasius marescallus Actum est hoc apud Minciacum anno Verbi Incarnati millesimo centesimo quinquagesimo nono Ludovico rege Francorum regnante