Charter Document - 04890367
| Charter Number: | 04890367 |
|---|---|
| Cartulary Title: | Recueil de chartes et documents de Saint-Martin-des-Champs [Paris] |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1158 - 1159 |
| Date type: | Internal, A.D. |
| Resource Link(s): |
|
Charter:
In nomine sancte et individue Trinitatis amen Ego Ludovicus Dei gratia Francorum rex Regie benignitatis dignissima est cura servis Dei qui ob amorem celestis patrie carnium pastus sibi subtraxerunt condescendere et ariditati eorum piscium aliquod remedium ministrare Qua consideratione moniti notum facimus universis presentibus pariter et futuris quod pro antecessorum nostrorum regum Francie animabus et pro peccatorum nostrorum remissione vivarium nostrum quod habebamus inter Silvanectis et Sanctum Nicholaum monachis inibi Deo famulantibus et Ecclesie in elemosinam donavimus et pro immobili firmitate sigillo nostro roborari fecimus adjecto nominis nostri karactere Actum publice Silvanectis anno Incarnati Verbi MCLVIII Astantibus in palatio nostro quorum apposita sunt nomina et signa S comitis Teobaudi dapiferi nostri S Guidonis buticularii S Mathei camerarii S Mathei constabularii Data per manum Hugonis cancellarii