Charter Document - 04890347
| Charter Number: | 04890347 |
|---|---|
| Cartulary Title: | Recueil de chartes et documents de Saint-Martin-des-Champs [Paris] |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1151 - 1155 |
| Date type: | Assigned |
| Resource Link(s): |
|
Charter:
In nomine sancte et individue Trinitatis Pastoralem condecet sollicitudinem modis omnibus religionem propagare eamque congruo sustentare suffragio quia sine vere religionis cultu nec fraterna caritas potest subsistere nec gratum Deo exibi servitium Eapropter ego Goslinus Dei gratia Carnotensis episcopus predecessorum meorum vestigia sequens tam personarum quam canonicorum meorum assensu monasterio Beati Martini de Campis in quo sacre religionis ordo diligentius observatur ea que subscripta sunt inviolabiliter possidenda concessimus et confirmavimus Ecclesiam videlicet de Ursenvilla cum presbiteri electione et presentatione atrium etiam et totam majorem decimam cum tota minore decima medietatem etiam omnium oblationum tam in Natale Domini quam in Pascha et in festo Omnium Sanctorum et per totum annum duas partes candelarum et cere cum duabus partibus candele et cere Sancti Bartholomei et in crastino Natalis Domini et Pasche et in die Ascensionis Domini omnes tortellos preter xii quos presbiter habet in his singulis festis Insuper etiam in villa de Escuri que ad eandem parrochiam de Ursenvilla pertinet totam majorem decimam cum tota minore decima Et in Gauvillare medietatem majoris decime et in his duabus villis medietatem tortellorum Preterea ecclesiam de Guuillumcum presbiteri electione et presentatione atrium etiam et medietatem majoris decime cum tertia parte minoris decime et in Purificatione beate Marie tertiam partem candelarum et cere et tertiam partem tortellorum in tribus festis eidem monasterio Beati Martini de Campis in perpetuam concessimus elemosinam salvo per omnia jure Carnotensis ecclesie et nostro Et ne aliquis pertinax vel indevotus diabolice inspirationis instinctu huic nostre concessioni contraire presumat ipsam presenti scripto et sigilli nostri munimine corroborari fecimus Ilis testibus Roberto decano ecclesie Carnotensis Hugone precentore Roberto succentore Goslino archidiacono Johanne archidiacono Milone preposito Radulfo capiscerio Guillelmo camerario Ernaldo abbate Bonevallensis Fulgardo abbate Sancti Johannis et multis aliis clericis et monachis