Charter Document - 04890335
| Charter Number: | 04890335 |
|---|---|
| Cartulary Title: | Recueil de chartes et documents de Saint-Martin-des-Champs [Paris] |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1153 - 1154 |
| Date type: | Internal, A.D. |
| Resource Link(s): |
|
Charter:
Quia in eo positi sumus ut ad removendam tocius discordie et contentionis occasionem ex commisso nobis officio universis in futurum consulere debemus illis potissimum qui sancte Religioni mancipati ex occupatione divini cultus non possent nec licet mundanis vaccare negotiis ut in sancto sine strepitu permaneant voto ac debita tranquillitate perfruantur nostrum est providere Inde est quod ego Milo per Dei patientiam Morinensis episcopus et ecclesia Tervanensis Abbati de Cercampo et ecclesie sue locum qui dicitur Sancti Hylarii a Priore et monachis Sancti Martini de Campis annuatim per unam marcam censualiter acceptum cum appendiciis perpetuo tenendum sub eodem censu concedimus et scripto confirmamus et ut ratum et inconcussum permaneat proprio consignavimus sigillo Actum anno Domini MCLIII hiis testibus Phillipo et Milone archidiaconis magistro Odone Balduino de Milham Alelmo item Alelmo de Horvilla