Charter Document - 04890327
| Charter Number: | 04890327 |
|---|---|
| Cartulary Title: | Recueil de chartes et documents de Saint-Martin-des-Champs [Paris] |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1152 |
| Date type: | Assigned |
| Resource Link(s): |
|
Charter:
Eugenius servus servorum Dei B[ernaudo] Clarevallensi abbati Dilectorum filiorum nostrorum Prioris et fratrum Sti Martini de Campis conquestionem accepimus de quodam altari quod a venerabili fratre nostro B[alduino] Noviomensi episcopo ipsis auferri permisimus gravem jacturam sustineant ut eis super hoc paterne provideremus nos suppliciter exorarunt Quorum necessitatibus ac detrimentis benigno compatientes affectu per presentia scripta mandamus quatinus apud eundem fratrem Noviomensem episcopum efficias ut predictis fratribus congruam recompensationem fraterna karitate provideat quatinus fratres ipsi et jacture sue consolationem inveniant et a murmuratione conquiescere debeant alioquin pro sua justicia conquerantur et nos post desperationem misericordie in suo eis jure deesse non poterimus Datum Signie v idus januarias