Charter Document - 04890326

In nomine sancte et individue Trinitatis Samson Dei gratia Remorum archiepiscopus et Joselenus Dei patientia Suessorum vocatus episcopus dilectis filiis Gerrico Igniacensis monasterii abbati et Symoni priori ecclesie Sancti Martini de Campis fratribusque sub eis monasticam vitam professis eorumque successoribus in perpetuum Officii nostri auctoritate compellimur ecclesiarum ac monasteriorum a Deo nobis commissorum paci ac quieti paterna sollicitudine providere Vestre igitur petitioni annuentes tam futurorum quam presentium per presentem scripturam notificare decrevimus auctoritate nostra confirmatam esse concordiam quam monachi de Sancta Gemma fecerunt de decima quam tenebant in territorio de Raroi cum fratribus Igniacensis ecclesie Ideoque pontificali auctoritate sub anathemate interdicimus ne quis de his sive de illis ulterius hanc concordiam rescindere vel inquietare presumat Ut autem hec scriptura firma et inviolabilis sit sigillorum nostrorum impressionibus eam muniri pre[cipimus] Ego frater Symon prior ecclesie Sancti Martini de Campis notum fieri volui tam presentium quod futurorum quod fratres nostri de Sancta Gemma decimam quam in territorio de Raroi possidebant assensu nostro nostrique capituli ecclesie Igniacensi pro vi sextariis ad mensuram de Sancta Gemma tribus triticeis et tribus ordaceis ad festum sancti Dionisii singulis annis persolvendis concesserunt Qnoniam igitur hanc conventionem ecclesia nostra et approbavit et confirmavit potestate nostra que nobis in nostros divina auctoritate tradita est excommunicatum se noverit quicumque ex nostris ulterius hanc concordiam rescindere vel inquietare temptaverit nisi resipiens satisfecerit Ut autem hec scriptura pondus auctoritatis habeat placuit nobis sigilli nostri impressione confirmari Signum Nicholai subprioris Signum Symonis tercii prioris Signum Petri camerarii monachorum de Sancto Martino Signum Guidonis conversi prioris de Sancta Gemma filii Guidonis de Molendino Signum Odonis secretarii Signum Mathei de Claromonte monachorum de Sancta Gemma Signum Engelranni villici Signum Martini clerici filii ejus Signum Dudonis Rosel Signum Albrici filii Ermengardis familiarium ecclesie de Sancta Gemma Ego quoque frater Gerricus Igniacensis vocatus abbas si quis ex nostris hanc concordiam assensu nostro nostrique capituli confirmatam aliquando perturbare temptaverit potestate humilitati nostre a Deo in nostros concessa excommunicatum eum pronuncio donec resipiscens satisfecerit Ut autem inviolabile robur hec scriptura obtineat sigilli nostri impressione comprobare voluimus Signum Bartholomei prioris Signum Milonis subprioris Signum Henrici cellerarii Signum Hugonis fratris Gervasii domini de Basocius monachorum Igniacensium Signum Leudonis Signum Hubaudi Signum Raineri conversorum Igniacensium Signum Fulconis Signum Hakenonis Signum Guiberti familiarium ecclesie de Sancta Gemma atque Igniaci Actum est hoc anno Incarnati Verbi MCLI indictione xiiii regnante glorioso Francorum rege Ludovico Ludovici filio anno xiiii archiepiscopatus domni Sansonis anno xii episcopatus domni Josleni anno xxvi