Charter Document - 04890311

Extitit causa quod beata memoria tertius Eugenius transalpinaret in Galliam a quo indicto concilio Remis illud honorificentissime percelebratum est Interea Suessionensis ecclesie Beati Medardi pastore suo de medio facto qui suscitaret semen defuncti alterius electionem domini Pape imposuit voluntati Dominabatur in hac ecclesia Marchianensi tunc temporis vir perhonestus et matura persona dudum prior Corbeie Ingrannus nomine Consilio igitur tocius curie habito ante Concilium eo exuit istam et illam investivit Alvisus Atrebatensis ecclesie post electionem canonicam religiosi viri et appellationem factam ad sedem primam pro oppressione qua opprimebatur ab eo non deferens huic ecclesie sue quam ordinaverat ipse pastorem [] Et suscitavit Dominus spiritum Summi Pontificis qui quicquid Episcopus fecerat cassans suam ecclesie quam habuerat ab initio eligendi quem vellet libertatem restituit et septimo post ordinationem suam die pulso incumbatore fratres sue prime electioni firmiter inherentes dominum Odonem de Sancto Martino in Campis satis idoneam personam si non nimis inniteretur prudentie sue communiter elegerunt immo reelegerunt Qui vix biennio presidens natalis soli dulcedine ductus ut aiunt sue quam legitime desponsaverat dedit repudium et illi alteri cui emancipatus renunciaverat solo regimine nupsit nec impune ferens quoniam nec longo tempore tenuit et ne dominaretur demum vale fecit invitus Tunc igitur is [] Ingrannus eligitur et annis quatuor sue prelationis officium strenue adimplevit et nunc quoque in Suessionensi ecclesia feliciter preest